Wei all Joer, geet et och 2019 nees mat KML weider: Mir sinn iwwerproduktiv an hu grousse Succès mat eisen 3 leschte Projete gehat déi a leschte Méint presentéiert goufen. De Bilan vum leschte Joer an den Ausbléck op 2019 steet um Ordre du Jour.
Mir géingen eis Generalversammlung e Samschden, den 2. Mäerz um 19h00 am Kinoler (1.Stack) ofhalen.
Mir wiere frou Iech nächste Samschde kennen ze begréissen.
Am Télécran vum 9ten Februar erzielt de Marc Barnig d’Geschicht vum Kinoler. Di neiste KML Projete ginn ausserdeem kuerz virgestallt.
KML presentéiert een Documentaire vum Marc Barnig iwwer d’Moderniséierung vu Koler an de leschten 20 Joer. De Film (38 Min.) gëtt Méindes, den 11. Februar um 20h00 am Kinoler (Entrée 3 €) presentéiert. De Film gëtt all Stonn (20h00, 21h00, 22h00) gewisen. Op der Platz hu mir e Comptoir an e Foodtruck.
KML an Episclérite hunn de Fiktiounsfilm Relok (37 Min.) zesumme produzéiert, deen Méindes den 28. Januar um 20h00 am Kinoler gewise gëtt. All 45 Minutte gëtt et eng Seance (Entrée: 5 €). Op der Platz hu mir e Comptoir an e Foodtruck.
Freides de 7. September huet KML seng 20 Joer am intime Memberskrees gefeiert.
Zenter engem Mount ass KML zesumme mat Episclérite am gaangen un engem neie Moyen-métrage ze dréinen. Enner dem Aarbechtstitel Relok dréine mir déi nächst 2 Méint an eisem Heemechtsduerf Koler . Des Fiktioun soll zesumme mat 2 Documentaire Make Koler Kooler an der Evolutioun vum Bau vum Kino presentéiert ginn. Pünktlech fir d´Ouverture vum neie KinOLER, sollen des 3 Projete fäerdeg sinn.
Méi Infos geschwënn!
Wei all Joer invitéiert KML op hier Generalversammlung de Samschden, den 24. Februar um 19h00 zu Héiweng an der aler Schoul.
Dëst Joer gëtt e ganzt chargéiert Joer a mir brauchen all Hëllef.
Um Programm:
– Bilan 2017 (Aktivitéiten/Kees)
– R4
– Projeten 2018 (Baudoku/MakeKolerKooler/Episclérite Co-prod)
– Kinoler
– Wuert vum Buergermeeschter
– Memberskaarten
– Fräi Aussproch
Mir hoffen dass dir Iech eng Stonn Zäit kennt huelen, a bis laanscht e Patt drénke kommt.
Een interessanten Artikel iwwer dem Club seng neiste Projete kann een am aktuelle Gemengebuet vun der Gemeng Garnech liesen.
Mir hun zënter enger Woch e klengen Studio amenagéiert am alen Paschtoueschhaus zu Koler.
