Dëse Freiden 5. Februar huet KML um 20h00 eis Generalversammlung zu Koler an der Schoul.
Et wier flott, wann der kinnt bis laanscht kommen. Et dauert net allzelaang a fir Gedrénks a Geschnacks ass gesuergt.

Um Programm stinn:
> BILAN 2009
> PREVISIOUNEN + PROJETEN 2010
> MEMBERSKAART oder DONATEURSKAART (5 Euro)
> evtl. COMITÉSWAHLEN
> FRÄI AUSSPROCH

Fir all déi Leit déi e Freiden net kenne kommen an awer trotzdem nach gären am Club bleiwe wëllen, solle Bescheed soen.
marcbarnig@gmx.net

Den éischten offiziellen Teaser vum aktuelle Long-Metrage ass online. Eng éischte kéier gouf en op der 2. Editioun vun der Filmakers Night de 14. Dezember gewisen. Elo ass en online. Vill Spaass!

E Samschden, 12. Dezember 2009 hate mir eis 2. Editioun vun der Filmakers Night zu Garnech am Veräinssall organiséiert. Et war e grousse Succès: 14 Filmer waren an engem 2 stonnege Programm a Competitioun gelaf. Fir de Jury war et ganz schwéier hire Präis ze verdeelen, well vun deene 14 Filmer net nëmmen reng Fiktiounsfilmer gelaf sinn, mee och Musekclips an Dokumentatioune ware mat vun der Partie.

De Jury konnt sech awer fir hire perséinleche Favorit entscheeden, a sou huet de Film "A l'abri" vum Cyrus Neshvad de Prix du Jury vun der Filmakers Night 2009 gewonnen. E Film dee mat ganz einfache Mëttelen et hikruut eng spannend Atmosphäreze kreéieren. Felicitatioun namol op dëser Plaatz! 

De Prix du Public war och ganz knapps verdeelt ginn, an dat un de Film "Die Rache des Herbstes" vum Milli Schlesser, dee mat knapps 40min. de längste Film vum Owend war.

D'Organisateurewaren sech nom Owend scho praktesch sécher, dass et och 2010 nees eng Filmakers Night wäert ginn. Un all Participanten also: Fläisseg weider dréine bis nächst Joer!

Fotogalerie vum Owend

Pyrrhus, Épisclérite a KML organiséiren e Samschden, 12. Dezember dei 2. Editioun vun der Filmakers Night.
Insgesamt 120 Minutten Film stin dest Joer um Programm. Den Entrée ass 3 Euro. Fir Iessen a Gedrenks ass gesuergt.
Um 20h00 start daat Ganzt zu Garnech am Veräinssall. (19h15–19h45 Happy Hour um Béier)

E Jury vu 4 Leit wielt enner sech de Prix du Jury an de Public kann fir de Prix du Public ofstëmmen. Um Programm stin am ganzen
14 Produktiounen dorënner majoritär Fiktiounen, mee och Videoclips an eng interessant Dokumentatioun. De kierzte Film dauert
45 Sekonnen an de längsten 40 Minutten. Kommt alleguer e Samschden op Garnech an ennerstëtzt déi jonk Kënschtler!
D'Filmartisten hun d'Méiglechkeet e klenge Stand ze maachen.

Ee vun de leschten Tournagen huet sech zu Stengefort an der Aaler Schmelz ofgespillt. Hei gouf e Concert simuléiert vu Cookie Jay.
Fir dei richteg Atmosphäre war gesuergt an et hun sech och vill Statisten de Wee op Stengefort getraut. Merci namol u jiddereen.

Dese Weekend si nees Dikkrecher Filmdeeg, organiséiert vun der Federatioun FGDCA. KML participéiert dest Joer mam Film Dreamcell dee Sonndes, 15. November am Nationalconcours leeft. Start ass um 10h20 mat der Begréissung. De ganzen Dag iwwer gin dann am SCALA zu Dikkrech Filmer gewissen. Kommt also roueg dohin!

Mir hun 2 nei HDV-Kameras kaaf (HDR FX1000). Momentaan filme mir awer nach am normalen DV (16:9), mee Tester fir eis op den HDV emzestuffen sin um laafen. Virausichtlech ab Mett 2010 si mer voll asaatzbereed am HDV. Den aktuelle Filmprojet T(w)O FRIENDS get am FullHD gefilmt.

Dei 3 Organisatiounsveräiner Épisclérite, Pyrrhus a KML hun décidéiert dei 2. Editioun vun der Filmakers Night vum November an den Dezember ze verréckelen. De Grond ass, well dee selwechte Weekend och Dikkrecher Filmdeeg vun der FGDCA sin.

Neie Formulär ass lo hei rofzelueden.

Filmakers Night deemno: Samschden, 12. Dezember um 20h00 zu Garnech am Veräinssall.

Dese Freiden, 25.September dreihne mir eng opwänneg Zeen fir den T(W)O FRIENDS an der Aaler Schmelz zu Stengefort. Hei wiere mir frouh wann e maximum u Statisten keinnt kommen. Start ass um 21h.
D'Grupp Cookie Jay spillt hei e concert, a fir dei riichteg Atmosphäre ze kreien, ass et doweins wichteg vill Concert-gänger am Bild ze hun.