News2017-08-14T11:17:43+00:00

KML News

25.012012

Créajeune – Auszeechnung

E Mëttwoch gouf an der Cinémathèque zu Lëtzebuerg de Créajeune ofgehalen. Dëst ass e Festival vu jonk Leit hier eege Videoproduktiounen aus de Länner Belge, Frankräich, Däitschland a Lëtzebuerg kenne presentéieren. 2012 ass fir d’éischt och eng Kategorie Jeunes bäigesat ginn, déi sech u Jugendlecher zwëschen 20-30 Joer wennt.

De Marc Barnig huet mam Status>Ego de Präis vum Beschte Spillfilm gewonnen. Soumat ass dëst den éischte Präis fir de Film, op deen ee ka stolz sinn, well sech de Film an eiser Groussregioun huet missen duerchsetzen.

10.122011

4. Filmakers Night

De Samschden hu mir déi 4. Editioun vun der Filmakers Night eischtmoleg an engem Kino ofgehalen. Wei all Joers sinn och dëst Joer méi Leit komm an de Ciné Ariston zu Esch war agreabel gefëllt. Nieft de bal 150 Minutte Filmer goufen nees eng Rëtsch flott Präisser verdeelt.

Hei sinn d’Gewënner:
– Prix SNJ: How? (vum Gil Biever/KML)
– Prix 100s: Empreintes (vum SNJ/Unica)
– Prix 100s Publique: Magia (vum Vituc)
– Prix Publique: Frames (vum Christophe Hubert)
– Best Films: 3. Love Money (vum SNJ), 2. A Coffee a day keeps the doctor away(vum Mili Schlesser), 1. Cotton Adventure (vum Vituc)
– Best Videoclip: Howling with the wolves vu Bluesoxxxs (vum Vituc)

01.122011

Filmpresentation an der Konschtkëscht

Mr. Knitty and the cardboard house leeft de ganze Mount Dezember an allen Konschtkëschte vun der Groussregioun.
– Abtei Neumünster
– Cercle-Cité
– CNA (Centre national de l’audiovisuel)
– CIGL Esch
– CIGR Grevenmacher
– CIGL Hesperange
– CIGL Sanem
– CIGL Steinfort
– Gemeng Sierck-les-Bains (Lothringen)
– Stadtgalerie Saarbrücken (Saarland)
– TUFA, Tuchfabrik Trier (Rheinland-Pfalz)
Ausserdeem ass en de ganze Mount laang um Site vun der Konschtkescht ze gesinn.

13.112011

Nationalconcours

Dëse Sonnden ass KML mat 4 Filmer op den Dikrecher Filmdeeg vertrueden. Status>Ego, Mr. Knitty and the cardboard house and the cardboard house,  Fish a Vivaldi wäerten um Concours national deelhuelen. Kommt kucken an ënnerstëtzt eis!

11.112011

Konschtkëscht – Auszeechnung

De KML-Film Mr. Knitty and the cardboard house ass de Freiden am Kader vun der Konschtkëscht am CNA gewise ginn. D’Jury huet de Film als Gewënner vum Art Video Festival gewielt.

D’Beryl Koltz an d’Nathalie Bachmann aus der Jury hunn hier Wahl mat folgende Wierder begrënnt:Nous avons apprécié cette vidéo pour son originalité, sa fraîcheur et sa poésie. Nous avons été touchés par l’imaginaire suggéré dans le hors-champs du film.

01.102011

Filmpresentation zu Koler

Zum 10-jährege Gebuertsdag vun de KML-Kultfilmer Show Time an Legend of Bigfoot ginn dës Filmer namol komplett restauréiert old-school méisseg  an der aler Schoul zu Koler presentéiert. Verpasst dësen Datum net, a kommt all kucken. Fir Gedrénks ass gesuergt!

21.052011

Cityshopping – Auszeechnung

De C.A.L. huet zesumme mat dem Info-Cityshopping e Concours mam Numm Lëtzebuerg, eng Stad wou shoppe Freed mécht lancéiert. Amateurfilmer sollten e Beitrag zu dësem Sujet ze dréinen. No klenger Skeptik um Ufank huet de Frank Hansen an de Marc Barnig eng Idee iwwerluecht, an no puer Pätt op enger Terrasse hu mir an engem Nomëtte gläich di 2 Clips gedréint an zwar Shopping in Luxembourg a Eng Stad wou shoppen Freed mécht.

E Samschden, goufe mir op Praisiwerreechung invitéiert wou KML iwwerraschenderweis deen éischten an zweete Präis gewonnen huet. Dës Filmer wäerten de ganze Summer iwwer am Info-Cityshopping gewise ginn.

26.042011

Filmpresentation am Cine Belval

En Dënschden huet KML zesumme mat Caramba d’Premiere vum Marc Barnig sengem leschte Kuerzfilm Status>Ego organiséiert. Ganz houfreg ware mir dass den Herr Raymond Massard (Chef vun de Caramba Kinoen) et sech net entgoe gelooss huet, bei dësem Event mat dobäi ze sinn. Hien huet iwwer d’Uffänk vum Amateurkino a senge Kinoe geschwat wou KML den Optakt am Joer 2002 mat Liewensrees gemaach huet. Dono huet de Marc Barnig säi klenge Speech gehalen. Nieft dem grousse Succès vum Status>Ego, ass och dem Laurent Schmit säin neie Clip SKiY ganz gutt ukomm, a natierlech dem Frank Hansen säi Mr. Knitty and the cardboard house.

06.032011

Rapport 2011

Rapport Generalversammlung 2011
05.032011

Generalversammlung 2011

E Samschden huet KML wei all Joers seng Generalversammlung ofgehalen. Nieft enger Videoprojektioun mat den Aktivitéite vun 2010 gouf och de Keesebilan virgestallt. Fir 2011 sti weider Projeten um Programm, an och huet de Comité sech vu 7 op 8 Leit aheicht. Mir sinn houfreg, de Gil Biever am Comité ze begréissen, deen aktuell den Two more Years realiséiert an och an der Haaptroll vum Marc Barnig sengem leschte Kuerzfilm Status>Ego spillt. President bleift weiderhin de Marc Barnig, Keesiere Carole Weis.