About kmlmovies

This author has not yet filled in any details.
So far kmlmovies has created 73 blog entries.
12.12 2009

2. Filmakers Night

2017-08-14T10:34:38+00:00

E Samschden hate mir eis 2. Editioun vun der Filmakers Night zu Garnech am Veräinssall organiséiert. Et war e grousse Succès: 14 Filmer waren an engem 2 Stonne Programm a Competitioun gelaf. Fir de Jury war et ganz schwéier hire Präis ze verdeelen, well vun deene 14 Filmer net nëmme reng Fiktiounsfilmer gelaf sinn, mee och Musekclips an Dokumentatioune ware mat dobäi.
De Jury konnt sech awer fir hire perséinleche Favorit entscheeden, a sou huet de Film A l’abri vum Cyrus Neshvad de Prix du Jury vun der Filmakers Night 2009 gewonnen. E Film dee mat ganz einfache Mëttelen et hikrut eng spannend Atmosphäre ze kreéieren. Felicitatioun namol op dëser Platz! De Prix du Public war och ganz knapps verdeelt ginn, an dat un de Film Die Rache des Herbstes vum Milli Schlesser, dee mat knapps 40 Minutten de längste Film vum Owend war.
D’Organisateure waren sech nom Owend scho praktesch sécher, dass et och 2010 nees eng Filmakers Night wäert ginn. Un all Participanten also: Fläisseg weider dréine bis nächst Joer!

2. Filmakers Night 2017-08-14T10:34:38+00:00
15.11 2009

Nationalconcours

2017-08-14T10:34:38+00:00

Dëse Weekend sinn nees Dikkrecher Filmdeeg, organiséiert vun der Federatioun FGDCA. KML participéiert dëst Joer mam Film Dreamcell dee Sonndes am Nationalconcours leeft.  De ganzen Dag iwwer ginn dann am Scala zu Dikkrech Filmer gewisen. Kommt also roueg dohin!

Nationalconcours 2017-08-14T10:34:38+00:00
19.09 2009

Filmpresentation zu Garnech

2017-08-14T10:34:38+00:00

Dëse Samschden, organiséiert KML de Quantum-Revival. Ganzer 10 Joer ass et elo schonn hier dass mer Quantum of Solace gedréint hunn. Pünktlech fir den DVD-Release weise mir iech namol Quantum of Solace an enger komplett nei geschnidden, novertounter Versioun an an enger Qualitéit déi der bis ewell na ni gesi hutt. Start ass um 20h00 zu Garnech am Veräinssall. D’Entrée ass fräi.

Filmpresentation zu Garnech 2017-08-14T10:34:38+00:00
25.04 2009

Indie Horror Picture Show

2017-08-14T10:34:38+00:00

Op der zweeter Reprise vun der Indie Horror Picture Show gëtt dëst Joer de leschte KML Kuerzfilm Dreamcell gewisen. Dëst Event ass am Cine Belval zu Esch. Nieft Dreamcell ginn awer och nach 8 aner Kuerzfilmer aus der lëtzebuergescher Amateurfilmzeen gewisen.

Indie Horror Picture Show 2017-08-14T10:34:38+00:00
21.02 2009

Rapport 2009

2017-08-14T10:34:38+00:00

Rapport Generalversammlung 2009

Rapport 2009 2017-08-14T10:34:38+00:00
20.02 2009

Generalversammlung 2009

2017-08-14T10:34:38+00:00

KML organiséiert seng Generalversammlung Freides um 20h00 zu Koler an der Schoul.
Um Programm stinn:
– De Joresofschloss 2008 (Kees/Bilan/Aktivitéiten)
– Projeten 2009
– Aktivitéiten 2009
– Comiteeswahlen
– Memberskaart
– Fräi Aussproch
Dir sidd alleguerte wëllkomm, a kennt och Bekannter a Kollege matbréngen. Fir Gedrénks an de klenge Maufel ass gesuergt!

Generalversammlung 2009 2017-08-14T10:34:38+00:00
14.02 2009

Films made in Luxembourg

2017-08-14T10:34:38+00:00

E Samschden gëtt um 21h00 op RTL Tele Letzebuerg nees Films made in Luxembourg gewisen. Um Programm stinn 4 lëtzebuergesch Kuerzfilmer, dorënner och Mona.

Films made in Luxembourg 2017-08-14T10:34:38+00:00
13.12 2008

1. Filmakers Night

2017-08-14T10:34:38+00:00

E Samschden huet KML zesumme mat Pyrrhus an Episclérite Production déi alleréischt Sessioun vun der Filmakers Night zu Garnech am Veräinssall ofgehalen. Eng 50 Filminteresséierter hunn de Wee bis op Garnech fonnt. All Regisseur huet viru sengem Film eng kleng Ried gehale fir sou säi Film anzeleeden. Fir KML goufe gläich 2 Premiere gefeiert: Dreamcell an Street Art in Brussels.

Programm vum Owend:
– Street Art in Brussels (Laurent Schmit, KML)
– Gods on Vacation – Save myself (Rebecca Kunsch)
– Ricky (Mike Tereba, Pyrrhus)
– The Brain (Fred Sauvant, Episclérite Production)
– Dreamcell (Frank Hansen, KML)
– Turtone (Romain Gierens, Turtle Stone Pictures)
Niewelaanscht goufen interessant Teaser/Trailer gewisen, wou mer Obskura Merci soe fir hir exklusiv Trailershow zu hirem fonkelneie Long-Métrage Luxembourg Mystery Tale, déi eenzeg an eleng op der Filmakers Night presentéiert gouf mat klenger Begréissungsried vum Petz. Den alleréischten Trailer vum neien Episclérite Film Marie Side gouf gewisen, souwéi 10 Minutte laang Teaser/Trailer vu BigTime Entertainment, wou eis den Adolf El Assal eng kleng Aféierung ginn huet.

1. Filmakers Night 2017-08-14T10:34:38+00:00
20.09 2008

10 Joer KML

2017-08-14T10:34:38+00:00

E Samschden huet KML säin 10. Gebuertsdag zu Garnech am Veräinssall gefeiert. Vill Invitéen hunn de Wee bis op Garnech fonnt. Vertrueden war de Gemengerot, d’Kulturkommissioun an d’Entente vu Garnech, Veräiner fir déi KML scho gefilmt huet, spezial Invitéen, aner Amateurfilmgruppe vu Letzebuerg, zahlreich Memberen, Exmemberen a Schauspiller déi iergendwann emol fir KML an engem Film matgeschafft hunn.
Mat bëssi Retard goung et dunn och direkt lass mat engem 2 minütege Clip, deen déi lescht 10 Joer namol ganz schnell Revue passeire gelooss huet. De President Marc Barnig ass dunn zesumme mat senge Grennungskolleege Laurent Schmit a Frank Hansen no vir komm, an huet gläich gewisen dass och no 10 Joer, de Kär vu KML nach ëmmer 100% aktiv ass. No der Ried vum Marc Barnig ass de Nico Biwer no fir komm an huet am Numm vun der Gemeng all Félicitatiounen ausgesprach an eis domadder och den Éierewäin vum Owend offréiert a lancéiert. E 50-minütege Film iwwer KML 1998-2008 ass dunn bei engem gudde Maufel an engem Patt gewise ginn. Eng gläichzäiteg Plafong-Performance vu Fotoen a Riddly-Sketcher war de ganzen Owend ze gesinn.
Ab 21h00 huet dunn den DJ fir déi néideg Animatioun gesuergt, an huet bis 3h00 moies fir Ënnerhalung gesuergt. Fir KML war dësen Owend op alle Fall e Succès op ganzer Linn: Ganz vill nei Projet-Ideen sinn nees lancéiert ginn an et war och flott all déi al a nei Gesiichter, déi eemol hannert KML stoungen nees erëmgesinn.

10 Joer KML 2017-08-14T10:34:38+00:00
06.07 2008

UNICA – Auszeechnung

2017-08-14T10:34:38+00:00

Leschte Samschde war an Tunesien déi offiziell Präisiwwerreechung vum internationale Filmfestival UNICA. Mona gewënnt hei d’Sëlwer-Medaille fir Lëtzebuerg. Domadder net genuch, et gëtt och nach eng weider Auszeechnung als Gewënner vum Prix Jeunesse.

UNICA – Auszeechnung 2017-08-14T10:34:38+00:00